Колледжге түсуге ұмтылатын талапкерлер болашақ мамандықты таңдау кезінде негізінен ағымдағы жылдың үрдістеріне бағдарланады.

Бүгінгі таңда еңбек нарығындағы жағдай жыл сайын өзгеріп отырады, бірақ жұмысшы мамандығы кез-келген салада әрқашан сұранысқа ие болып қала береді!

Барлық уақытта қоғамға өнеркәсіптік кәсіпорындардың, құрылыс компанияларының және ауыл шаруашылығы объектілерінің жұмысын қамтамасыз ететін мамандар қажет болады.

«Juniorskills» чемпионаты белгілі бір мамандықта өз күштерін сынап көруге, кәсіби қоғамдастық өкілдерінен ол туралы ақпарат алуға, саланың қалай жұмыс істейтінін түсінуге және мансаптық өсу перспективаларын көруге мүмкіндік береді.

«Juniorskills» чемпионаты біздің колледждің дәстүріне айналды. Өйткені, бұл ерте кәсіптік бағдарлау бағдарламасы, кәсіптік даярлау негіздері және оқушылардың кәсіби шеберліктегі жарыстары.

Оның негізгі миссиясы — оқушыларға тез өзгеретін әлемде мамандықты саналы түрде таңдауға, білім беру траекториясын анықтауға және болашақта еңбек нарығында өз орнын табуға мүмкіндік беру.